უვიზო მიმოსვლა - პრაქტიკული რჩევები და გამ

ყველას, ვინც უკვე გაემგზავრეთ ევროპაში, გთხოვთ, დაწეროთ თქვენი გამოცდილების შესახებ, რათა მათ, ვინც ჯერ არ წასულა, გაუმარტივდეთ სხვადასხვა ბარერების გადალახვა. ნებისმიერი დეტალი იქნება ძალიან მნიშვნელოვანი, მაგალითად რომელი ავიაკომპანიით იმგზავრეთ, რომელ ქალაქში ჩახვედით და რა მოგთხოვეს საზღვარზე, რა ენაზე გაგესაუბრნენ, ქალაქში დღეში რა ფასად შეძელით ცხოვრება ყველა ხარჯის გათვალისწინებით, რა დაათვალიერეთ და ა.შ. დიდი მაფლობა ჩემი და ყველა იმ პირის სახელით, ვისაც უზომოდ აინტერესებს სხვისი გამოცდილებების შესახებ. გისურვებთ ბედნიერ მგზავრობას ♥

დღეიდან (28.03.2017) საქართველოს მოქალაქეებს ევროპაში უვიზოდ გადაადგილების უფლება მიეცათ, თუმცა ამავდროულად სხვადასხვა მიზეზის გამო შეიძლება ზოგიერთი საქართველოს მოქალაქე არ შეუშვან სხვადასხვა ქვეყნის საზღვარზე. თუ თქვენ სწორედ ის ხართ, ვინც საზღვარზე არ შეგიშვეს, გთხოვთ, დაწეროთ კომენტარის სახით თქვენი სიტუაცია და თქვენი გამოცდილება, რათა სხვებმა გაითვალისწინონ და მსგავსი შეცდომა არ დაუშვან. დიდი მადლობა.

დღეს, 2017 წლის 28 მაისს, ზუსტად 00:00 საათზე ძალაში შევიდა უვიზო მიმოსვლის შესახებ კანონი, რომლითაც საქართველოს მოქალაქეებს ბიომეტრიული პასპორტით და რამდენიმე დამატებითი საბუთით (დეტალები იხილეთ ჩემ ძველ პოსტებში) შენგენის ზონაში გადაადგილება უვიზოდ შეუძლიათ! გისურვებთ კარგ მგზავრობას!

38 წლის ქართველი მამაკაცი, რომელიც 28 მარტს პოლონეთიდან გერმანიაში აბტობუსით მიემგზავრებოდა, მიუხედავად ბიომეტრიული პასპორტის ქონისა, გერმანიამ ქვეყანაში არ შეუშვა. ამის შესახებ იუწყება ზაქსენის გაზეთი http://m.sz-online.de/nachrichten/georgier-trotz-visumfreiheit-abgeschoben-3646702.html ამის მიზეზი გახდა ის, რომ გერმანიაში, ქალაქ მიუნსტერის პოლიციის მიერ ამ მამაკაცზე გასული წლის ზაფხულიდან ძებნა იყო გამოცხადებული ჯგუფური ქურდობის ბრალდებით. კონკრეტულად, მასზე სასამართლოს დაუსწრებლად გამოტანილი ქონდა თავისუფლების აღკვეთის განაჩენი. მიუხედავად იმისა, რომ მამაკაცმა ჯარიმა (800-მდე ევრო) საზღვრის სიახლოვეს მდებარე პოლიციის განყოფილებაშივე გადაიხადა, ის მაინც უკან, პოლონეთში გააბრუნეს. რადგან გერმანიის პოლიცია ვერ დარწმუნდა იმაში, რომ ის კვლავ დანაშაულის ჩასადენად არ მიემართებოდა გერმანიაში. ქართველმა მამაკაცმა პოლიციელება ასევე განუცხადა, რომ ის გერმანიაში მანქანის შესაძენად მიემართებოდა, თუმცა ჯარიმის გადახდის შემდეგ მას აღარ აღმოაჩნდა საკმარისი თანხა, რითაც ის პოლიციელებს დაუმტკიცებდა, რომ ის მართლაც მანქანის შესაძენად მიდიოდა. მამაკაცს აღმოაჩნდა ლიტვის ტურისტული ვიზა. უკან პოლონეთში გააბრუნებამდე, მისი ლიტვური ვიზა გააუქმეს.

გაზეთი არ აკონკრეტებს აქვს თუ არა ამ მამაკაცს თუნდაც პოლონეთში ყოფნის უფლება, თუბის არალეგალად ითვლება...

მათ, ვისაც ენის ცოდნა (სამიზნე ქვეყნის ენა ან ინგლისური ანდა რუსული) და ბანკით გადახდის საშუალების ქონა ხელს უწყობს, შეუძლიათ მოგზაურობა თავად დაგეგმონ და ამგვარად ტურისტული კომპანიისთვის გადასახდელი თანხა დაზოგონ. ვისაც ფულის პრობლემა არ აქვს, ასევე ვინც ენები არ იცს, ან ბანკით თვითმფრინავის ბილეთის საფასურდის გადახდა არ შეუძლია, ან უბრალოდ ვისაც მეტი კომდორტი უნდა და არ სურს თავად იზრუნოს სამოგზაურო ყველა დეტალზე, მათთვის ზედგამოჭრილია ტყრისტული კომპანიები, რომლებიც თქვენი მოგზაურობის ყველა დეტალს თავის თავზე აიღებენ. სხვათაშორის, საგულისხმოა, რომ შეიძლება ზოგ ტუურისტულ კომპანიას ქონდეს თავისი "კონტაქტები" და ამგვარად ის ფასით დიდიად არ განსხვავდებოდეს ან შეიძლება იაფიც კი იყოს იმასთან შედარებით თუ რამდენი დაგეხარჯებოდათ ყველაფერზე თქვენ რომ გეზრუნათ ტურისტული კომპანიის გარეშე. ამიტომ, თუ თქვენ დამოუკიდებლად ყველაფერზე ზრუნვა გადაწყვითეთ, ჩემი რჩევა იქნება, რომ დაითვლით თქვენ ხარჯებს, ტურისტულ კომპანიაში მაინც მიდით და შეადარეთ მსგავის სამოგზაურო პაკეტში ისინი რამდენს მოგთხოვენ. თუ იგივე თანხას, ან ნაკლებს, რათქმაუნდა ჯობია ეს პაკეტი აიღოთ და ტურისტული კომპანიით წახვიდეთ, ვიდრე უამრავი დრო დახარჯოთ ბილეთებისხ სასტუმროების ჯავშანზე და ა.შ.

კონკრეტული რჩევები მათთვის, ვინც აპირებს ტურისტული კომპანიის გარეშე წასვლას ევროპაში სამოგზაუროდ:

* მოიძიეთ ინტერნეტში სხვადასხვა საიტებზე თვითმფრინავის ბილეთის ფასები და იყიდეთ თქვენთვის ყველაზე კარგი ვარიანტი. გირჩევთ Wizzair.com-ზე იყიდოთ ბილეთი, რადგან ხშირად ძალიან იაფიანი ბილეთები იდება ამ კომპანიის საიტზე და თან ისინი ტრანზიტის ანუ გადაჯდომის გარეშე დაფრინავენ ქუთაისიდან ევროპის დიდ ქალაქებში.

* ასევე ინტერნეტში მოძებნეთ სასტუმროს ფასების შესადარებელი საიტები და მოიძიეთ სასტუმრო (Hotel) თქვენთვის მისაღებ ფასად.

* ვისაც სასტუმრო გეძვირებათ, შეგიძლიათ მოგზაურობის პერიოდში დარჩეთ ეგრეთ წოდებულ ჰოსტელში (Hostel), რომელიც ფასის მიხედვით შეუდარებელია - 10-20 ევრომდე მერყეობს დღეღამის ფასი.

* როგორ გადავაადგილდეთ ქალაქში? სამიზნე ქალაქში ჩასვლისას შიძინეთ დღის ბილეთი (მაგალითად გერმანულად: Tageskarte), რომლითაც მთელი დღის და საღამოს განმავლობაში გექნებათ ქალაქში საზოგადოებრივი ტრანსპორტით გადაადგილების საშუალება და არ მოგიწევთ ყოველ ჯერზე ახალი ბილეთის ყიდვა. დღის ბილეთი საერთო ჯამში გაცილებით იაფი გამოდის ვიდრე 3 ან მეტჯერ ცალ-ცალკე ბილეთის ყიდვა. ზოგიერთი ქალაქი, სიდიდის გამო, დაყოფილია სატრანსპორტო ზონებად, ამიტომ გაითვალისწინეთ, რომ თქვენი დღის ბილეთი საჭირო ზონას ფარავდეს. თუ გეეჭვებათ, მაშ ჯობია ყველაზე დიდი ზონის ბილეთი იყიდოთ. ხოლო თუ მხოლოდ ქალაქის ცენტრში აპირებთ გადაადგილებას - მაშინ ყველაზე პატარა ზონის ბილეთი. (მაგალითად, თუ ბერლინის მხოლოდ ცენტრალურ უბნებში გადაადგილებას აპურებთ, საკმარისია A კატეგორიის ბილეთი, ხოლო თუ თქვენ მაგალითად ბერლინის ცენტრიდან ბერლინის შონეფელდის აეროპორტში აპირებთ წასვლას, მაშინ საჭიროა C კლასის ბილეთი. )

* როგორ დავგეგმოთ ქალაქში გადაადგილება? ქალაქის ტრანსპორტი როგორც წესი რეგულარულად და მოკლე ინტერვალებით მოძრაობს. თუ თქვენ ოდნავ მოშორებით, მაგალითად ქალაქის გარეუბანში გსურთ წასვლა, უმჯობესია მგზავრობა დაგეგმოთ სპეციალური აპლიკაციით, მაგალითად გერმანიაში http://bahn.de ვებსაიტზე ან შესაბამის აპლიკაციაში შეგიძლიათ მიუთითოთ ადგილი საიდაც იმყოფებით, ადგილი სადაც გინდათ მისვლა, დრო, როდესაც გინდათ გამგზავრება და საიტი/აპლიკაცია ამოგიყრით ყველა შესაძლო ვარიანტს თქვენი მოგზაურიბის ყველა საჭირო ინფორმაციით თუ ზუსტად რომელ საათზე, რომელ გაჩერებაზე უნდა ახვიდეთ/ჩამოხვიდეთ/გადაჯდეთ.

* თუ თქვენ ევროპის ერთი ქალაქიდან სხვა ქალაქში აპირებთ წასვლას, გაითვალისწინეთ, რომ ევროპაში მატარებლით მოგზაურობა ძალიან ძვირია, ანიტომ გირჩევთ ავტობუსით იმგზავროთ. "მანქანით გაყოლა" არაა დიდად რეკომენდებული, რადგან ხშირად გაურკვევლობები ახლავს თან და ენის არ მცოდნე ტურისტისთვის არაა რეკომენდებული. მაგალითად, გერმანიაში შეგიძლიათ მატარებელთან შედარებით გაცილებით იაფად გადაადგილდეთ ავტობუსით, რომელსაც ქვია Flixbus და მისი ვებგვერდია: http://flixbus.de . ფასები ერთი და იგივე მარშუტისთვის ძალიან განსხვავებულია ამიტომ გურჩევთ, კარგად მოძებნოთ, ერთი დღით ადრე ან ერთიბდღით გვიანაც შეადარეთ ფასები და აუცილებლად იპოვით თქვენთვის მისაღებ იაფფასიან ბილეთს.

* რა ვჭამოთ? სასტუმრო ან Hostel-ი როგორც წესი საუზმეს უფასოდ სთავაზობს. მოიძიეთ საჭმელების მაღაზია თქვენ ახლო-მახლო, სადაც შეგიძლიათ იაფად იყიდოთ საკვები. მაგალითად გერმანიაში ყველა ქალაქშია ისეთი საკვები პროდუქტების მაღაზიები, როგორიცაა: Aldi, Lidl, Rewe, სადაც ხარისხიანი პროდუქტი იაფად შეგიძლიათ შეიძინოთ.

* აუცილებლად გაითვალისწინეთ, რომ ევროპაში (ყოველ შემთხვევაში, გერმანიაში) მაღაზიები (ასევე ყველა დაწესებულება რათქმაუნდა გამონაკლისების გარდა) კვირაობით დაკეტილია და შაბათობით მხოლოდ ხამოკლე პერიოდით არიან გახსნილნი. ამიტომ, საჭმლის ყიდვას კვირისთვის ნუ გადასდებთ. გამონაკლისებია მაგალითად: მაკდონალდსი, კაფე-ბარები, ბუტკები, საავადმყოფოები და ა.შ.

* ავიღოთ თუ არა სამიზნე ქვეყნის ტელეფონის/მობილურის ნომერი? თუ თქვენ ქართული მობილური კომპანიების როუმინგის ფასები არ გაწყობთ, მარტივად შეგიძიათ შეიძინოთ ეგრეთ წოდებული Prepaid სიმ კარტა იმ ქვეყანაში, სადაც იმყოფებით. პრეფეიდ ნიშნავს, რომ ჯერ უნდა ჩარიცხოთ ამ სიმ ბარათზე ანგარიში და ამის შემდეგ დარეკავთ ამ ნომრიდან ან გაგზავნით SMS-ს. გირჩევთ იყიდოთ Lycamobile, შეაგდოთ 10 ევრო და გამოიყენოთ საქართველოში დასარეკად. გაუთვალისწინეთ, რომ მობილური ინტერნეტით სარგებლობა მსგავს სიმ ბარათებზე ძალიან ძვირია, ამიტომ გამოიყენეთ მხოლოდ საჭიროების დროს!

* რამ შეიძლება გაგვაკვირვოს? ევროპაში, განსაკუთრებით დასავლეთ ევროპის დიდ ქალაქებში შეიძლება შეხვდეთ როგორც ქუჩაში, ისე საზოგადოებრივ ტრანსპორტში და კაფე-ბარებში ერთი შეხედვით "უცნაურ" ადამიანებს. ვინაიდან აქ ადამიანის უფბებებეი და თავისუფლებები დაცულია, ყველა ადამიანს აქვს უფლება იყოს იაეთი, როგორიც მას უნდა, ქონდეს ისეთი ვიზუალი, როგორიც მას სურს, თუ ვინმე არის ჰონისექსუალი, მას არ აქვს ვალდებულება მან ეს ქუჩაში დამალოს და ა.შ. ყიველივე აქედან გამომდინარე, შეიძლება შეგხვდეთ ყურში, წარბში, ცხვირში, ენაში, ლოყაში და ა.შ. პირსინგის მქონე ადამიანი, განსაკუთრებით მოდაშია ყურის ბიბილოში მოთავსებული დიდი რკალები, ასევე შეიძლება შეგხვდეთ ხელი-ხელში ჩაკიდებული 2 გოგო ან 2 ბიჭი, ასევე ერთი და იმავე სქესის ადამიანი, რონელიც ერთმანეთს კოცნის. ამგვარი ქმედება აქ სრულიად ნორმალურია და მათ მიმართ აგრესიის გამოხატვის შემთხვევაში მათ შეუძლიათ აგრესორს უჩივლონ. ამიტომ, რჩევა: ვისაც მსგავსი სანახაობები დიდად არ გხიბლავთ, გაიხედეთ სხვა მხარეს და მათი შეურაწყოფის გარეშე განაგრძეთ გზა.

* სად გავერთოთ საღამოს? ყველა დიდ ქალაქში არის უბნები, სადაც თავმოყრილია სხვადასხვა დისკოთექები (Party), შესვლა ფასიანია და დასალევიც საკმაოდ ძვირი. უკეთესია თუბწინასწარ ვებ საიტებზე გადახედავთ თქვენ ქალაქში ამა თუბიმ დღეს სად და რა Party ეწყობა და ამის ნიხედვით წახვალთ, რათა იცოდეთ მაგალითად რა მუსიკა გელოდებათ. ძირითადად დისკოთეკებზე თქვენ მხოლოდ შეგიძიათ ვინმე გაიცნოთ, თუმცა უარის მიღების შემთხვევაში, ან თუ მეორე პირი თქვენ მიმართ საპასუხო ყურადღებას არ გამოიჩენს და თქვენ გააგრძელებთ მასთან ფლირტს, დიდი ალბათობით იმ ღამით პოლიციის განყოფილებაში აღმოჩნდებით. ამიტომ, რჩევა: ყველა თქვენ ქმედებას კონტროლი უნდა გაუწიოთ და ვინმე რომ გეტყვით არა-ს, უნდა გაითვალისწინოთ მისი უარი.

* როგირ მოვიქცე გადაუდებელი შემთხვევის დროს? თუ გაუთვალისწინებელი შემთხვევა მოხდა, მაგალითად დაეცით და რამე მოიტეხეთ ან ქურდმა ხელჩანთა გაგტაცათ, ხმამაღლა ითხოვეთ შველა Help (ჰელფ)-ის ძახილით. თუ გესაჭიროებათ ექიმი, დახმარების მსურველებს მიანიშნეთ, რომ გწირდებათ ექიმი ("დოქტორ"), თუ პოლიცია გჭირდებათ - "პოლის" ისინი აუცილებლად დაგეხმარებიან სასწრაფოს ან პოლიციის გამოძახებაში. თუ თქვენ ტელეფონი ხელზე გაქვთ და შეგიძლიათ ზარი განახორციელოთ, ასევე ფლობთ სამიზნე ქვეყნის ენას ან მინიმუმ ინგლისურ ენას, თავადვე შეგიძლიათ პოლიცია (110) და სასწრაფო (112) გამოიძახოთ. სახანძროს გამოძახებაც შეგიძლიათ იმავე ნომერზე, რაზეც სასწრაფო - 112.

* დასვენების პარკი - ატრაქციონების და კარუსელების მოყვარულთათვის. შეგიძლიათ ინტერნეტში მოიძიოთ თქვენთან ახლო-მახლო არსებული ესეთი პარკები (გერმანულად Erlebnispark ან Freizeitpark) და აისრულოთ ბაზვშობის ოცნებები კარუსელზე კატაობით :-) ამასთან გირჩევთ გერმანიაში ქალაქ Rust-თან არსებულ Europa Park-ს. ძირითადად გერმანიაში ასეთ დასვენების პარკებში შესვლისას იხდით თანხას და შემდეგ მთელი დღის განმავლობაში შეგიძლიათ ისარგებლოთ ნებისმიერი ატრაქციონით იმდენჯერ, რამდენჯერაც გსურთ.

* ღირსშესანიშნაობების დათვალიერება.
გირჩევთ ჯერ კიდევ საქართველოში ყოფნის დროს მოიძიოთ იმ ქალაქის ღირსშესანიშნაობების შესახებ, რის ნახვასაც აპირებთ. ამობეჭდეთ სია დასათვალიერებელი ღირსშესანიშნაობების მისამართებით და მის ახლო განლაგებული საქალაქო ტრანსპორტის გაჩერებებით და თუ რა ნომერი ტრანსპორტი მიდის, რათა მოგზაურობის დროს არ მოგიწიოთ წვალება და ინფორმაციების მოძიებაში ცალკე დროის და ცალკე ინტერნეტის, შესაბამისად ფულის ხარჯვა.


გირსურვებთ საინტერესო და სასიამოვნო მოგზაურობას ევროპაში! ♥

უვიზო მიმოსვლა არ წარმოადგენს იმის გარანტიას, რომ საქართველოს მოქალაქეს უპირობოდ შეუძლია გადაკვეთოს შენგენის ზონაში არსებული ქვეყნის საზღვარი. შევეცდებით დაწვრილებით ავხსნათ ყველა შესაძლო ვარიანტი და მოგცეთ რჩევები საზღვარზე პრობლემების თავიდან ასაცილებლად.

დავყოთ პირობები ორად: ძირითადი და დამატებითი, სადაც ძირითადი პირობის დარღვევის შემთხვევაში საზღვარზე გატარების შანსი 0%-ია, ხოლო დამატებითი პირობების დაკმაყოფილება/არ დაკმაყოფილების შემთხვევაში თქვენი საზღვარზე გატარება/არ გატარების ამბავი დამოკიდებულია მესაზღვრე პოლიციელის კეთილ ნებაზე. ამიტომ, უნდა შეეცადოთ ძირითად პირობასთან ერთად რაც შეიძლება მეტი დამატებითი პირობაც დააკმაყოფილოთ, რათა მესაზღვრეს არ დაუტოვოთ შანსი რამეზე გამოგეკიდოთ და შარი მოგდოთ.

A) ძირითადი პირობა:

1) საქართველოს მოქალაქეობის დამადასტურებელი ბიომეტრიული პასპორტი, რომელიც უნდა იყოს ბოლო 10 წლის განმავლობაში აღებული და მინიმუმ 3 თვე უნდა ჰქონდეს ვადა იმ დროისთვის, როცა თქვენ უკან, საქართველოში დაბრუნდებით.
რას ამოწმებენ პასპორტით? პასპორტს შეამოწმებენ ისე, როგორც საქართველოს საზღვარზე, ასევე იმ ქვეყნის საზღვარზეც, სადაც ჩაფრინდებით. პასპორტის დახმარებით მიღებული თქვენ საიდენტიფიკაციო მონაცემებს ამოწმებენ სპეციალურ მონაცემთა ბაზებში, რათა დაადგინონ ხომ არ იმყოფებით ძებნაში, ხომ არ ხართ შენგენის ქვეყნებიდან გამოძევებული პირი, რომელსაც აღარ აქვს უფლება გამოძევებიდან 5 წლის განმავლობაში კვლავ შევიდეს შენგენის ზონაში.
პასპორტის შემოწმების შემდეგ დიდი ალბათობით არამარტო სამიზნე ქვეყანაში, არამედ საქართველოშივე გკითხავენ თვენი გამგზავრების მიზნებს. ეს ეტაპი მთლიანად დამოკიდებულია მესაზღვრის კეთილ ნებაზე - ადვილად გაგატარებს თუ "გაგწურავს" ანდა საერთიდაც უარს გეტყვის საზღვრის კვეთაზე.

B) დამატებითი პირობები:

1) საზღვრის გადაკვეთის მიზანი და სამიზნე ქვეყენაში დარჩენის დრო:

მესაზღვრე გკითხვთ თუ რა მიზნით მიდიხართ/შედიხართ სამიზნე ქვეყანაში და რა პერიოდით აპირებთ იქ დარჩენას? გაითვალისწინეთ რომ აქ ნათქვამი დაუფიქრებელი პასუხი შეიძლება გახდეს თქვენი საქართველოში უკან გამოფრენის მიზეზი!!!
დასაშვები მიზნები: მოგზაურობა/ტურიზმი, ოჯახის წევრის, ნათესავის, მეგობრის სტუმრობა, კონფერენციაზე და/ან მსგავსზე მონაწილეობის მიღება, მოკლევადიან (90 დღემდე) გაცვლით პროგრამაში მონაწილეობის მიღება, მოკლევადიან (90 დღემდე) ენის კურსში მონაწილეობის მიღება, სავარაუდოდ ასევე დასაშვებია მანქანების შესაძენად და საქართველოში გამოსაგზავნად უვიზოდ შესვლა. თქვენ არ გაქვთ უფლება უვიზო მიმოსვლით ისარგებლოთ, თუ სამიზნე ქვეყანაში მიემართებით შემდეგი მიზნებისთვის: სამუშაოდ, საცხოვრებლად დასარჩენად, სამიზნე ქვეყანაში ლტოლვილად ჩაბარების მიზნით. ასევე სავარაუდოდ არ გექნებათ უფლება ე.წ. ოპერად (Au-Pair) გამგზავრებისთვის, რადგან ესეც ერთგვარი მუშაობის სახეა და თანაც მისი ხანგრძლივობა აღემატება 90 დღეს. რადგან საქართველო "უსაფრთხო ქვეყნების" სიაშია, ლტოლვილად დიდი ალბათობით არ მიგიღებენ და საზღვარზე ამ ვერსიის გაჟღერების შემთხვევაში, შემდეგივე რეისით უკან გამოგიშვებენ. იმ შემთხვავაში, თუ თქვენი გამგზავრების მიზანი არ შეესაბამება უვიზო მიმოსვლით გათვალისწინებულ შემთხვევებს, თქვენ უნდა შეიტანოთ იმ ქვეყნის საელჩოში ვიზაზე განაცხადი, სადაც აპირებთ გამგზავრებას.
სამიზნე ქცეყანაში დარჩენის დრო: საქართველოს მოქალაქეებს აქვთ უფლება 180 დღის განმავლობაში მაქსიმუმ 90 დღის ვადით დარჩნენ შენგენის ზონაში, ამასთან სულ ერთია ამ 90 დღეს ცალ-ცალკე გამოიყენებთ თუ უწყვეტად 90 დღე დარჩებით შენგენის ზონაში და შემდეგ დაბრუნდებით უკან.

ამიტომ, როცა გკითხავენ, თუ რამდენი ხანი აპირებთ დარჩენას, აუციელებლად 90 ან ნაკლები დღე უნდა უთხრათ, წინააღმდეგ შემთხვევაში უკან გამოგიშვებენ.

2) ფინანსური უზრუნველყოფა შეგიძლიათ დაადასტუროთ: ნაღდი ფულით ან სამგზავრო ჩეკით ან საკრედიტო ბარათით.

როგორ უნდა დავუდასტუროთ მესაზღვრეს, რომ გვაქვს სახსრები, რაც ჩვენთვის საჭიროა სამიზნე ქვეყანაში ყოფნის დროს და რადენი ფული უნდა გვქონდეს თან?

რა მიზნითაც (B-1) არ უნდა ვლახავდეთ საზღვარს, დიდი ალბათობით მესაზღვრე გვკითხავს ფინანსური მხარის შესახებ, რომ დარწმუნდეს, რომ სამიზნე ქვეუენაში დარჩენის პერიოდში ჩვენ გვექნება თანხა, რომელსაც გამოვიყენებთ (და შესაბამისად არ დავიწყებთ მაღაზიებში საჭმლის ქურდობას). ფინანსური უზრუნველყოფა მოიცავს სხვადასხვა პუნქტებს, როგორიცაა საკვებისთვის, სასტუმროსთვის, გადასაადგილებლად საჭირო თანხები, ასევე თანხა უკან, საქართველოში დასაბრუნებლად (თუკი თქვენ არ გაქვთ უკან გასამგზავრებელი ბილეთი ნაყიდი. უკეთესია თუ თქვენ ეს ბილეთი უკვე გექნებათ შეძენილი.).
ა) თანხის არსებობა თქვენ შეგიძლიათ დაადასტუროთ როგორც ჯიბეზე არსებული ნაღდი ფულის არსებობით, ასევე სამგზავრო ჩეკით ანდა საკრედიტო ბარათით. ყველა ევროკავშირის შემადგენელი ქვეყანა თვითონ საზღვრავს თუ დღეში საშუალოდ რამდენი ჭირდება ადამიანს, კერძოდ ტურისტს მოცემულ ქვეყანაში ყოფნისთვის. ასე მაგალითად, სხვადასხვა ბევსაიტის ინფორმაციით გერმანიაში 45-50 ევროა დღეში საჭირო (სასტუმროს ფასის გარდა). ანუ მაგალითად თუ თქვენ 4 დღით აპირებთ გერმანიაში დარჩენას, წესით საკმარისი უნდა იყოს საზღვარზე 200 ევროს თან ქონა + სასტუმრო უკვე დაჯავშნილი და გადახდილი + უკანა, საქართველოში დასაბრუნებელი ბილეთი უკვე ნაყიდი. თუ თქვენ სამიზნე ქვეყანაში გყავთ ვინმე, ვინც გეპატიჟებათ საკუთარი სახსრებით, ასევე გაძლევთ საცხოვრებელს (ოთახს თავის ბინაში/სახლში) და საკვებს, საჭიროა ამ პიროვებამ დაგიწეროთ მოწვევის წერილი. ინტერნეტში ვრცელდება 2 სხვადასხვა სახის ინფორმაცია მოწვევის წერილთან დაკავშირებით: ზოგ საიტზე ნათქვამია, რომ მოწვევის წერილი შეიძლება იყოს არაფორმალური წერილი მომწვევი პირის მიერ დაწერილი და ხელმოწერილი, სადაც ის დაწერს, რომ იღებს თავის თავზე ყველა თქვენი ხარჯის ანაზღაურებას და ასევე მიუთითებს თავის საცხობრებელის მიმსამართსა და საკონტაქტო ტელეფონს - რათა საჭიროების შემთხვევაში დაუკავშირდნენ ამ პირს. ამ შემთხვევაში მომწვევმა პირმა ეს წერილი, დაატარიღებული და ხელმოწერილი უნდა მოგაწოდოთ მაგალითად იმეილით, თქვენ ამობეჭდავთ და ამ სახით იქონიებთ თან. ანუ ორიგინალი არაა საჭირო. სხვა საიტებზე კი წერია, რომ მომწვევმა პირმა ოფიციალური მოწვევა უნდა გააფორმოს (გერმანიაში ეგრეთ წოდებული Verpflichtungserklärung), რაც საკმაოდ არასასიამოვნო და ბიუროკრატიული პროცესია: ამ შემთხვევაში მომწვევი პირი მიდის საცხოვრებელი ადგილის მიხედვით თავის რეესტრის მსგავს დაწესებულებაში (მაგალითად გერმანიაში ამ დაწესებულებას ქვია Einwohnermeldeamt), სადაც 25 ევროს გადახდის შემდეგ მიიღებს მოწვევის ბლანკს, რომელიც უნდა შეავსოს და უკან ჩააბაროს, რის შემდეგაც მიიღებს დადასტურებულ, ოფიციალურ მოწვევის დოკუმენტს, რომელიც უნდა გამოგიგზავნოთ თქვენ, რათა ეს დოკუმენტი ხელთ გქონდეთ. ამ ვარიანტის სიძნელე იმაში მდგომარეობს, რომ მომწვევმა პირმა მოწვევის ბლანკში უნდა დაადასტუროს, რომ გააჩნია მაღალი შემოსავალი დაახლოებით 1300 ევრო ან მეტი თვეში, ასევე აქვს საცხოვრებელი საკმარისი ფართი სტუმრისთვის. წინააღმდეგ შემთხვევაში მას უარს ეტყვიან და არ მისცემენ სტუმრის მოწვევის უფლებას. ამ ვარიანტის შემთხვევაში საზღვარზე ორიგინალი დოკუმენტის წარდგენაა საჭირო თუ იმეილით გაგზავნილი და ამობეჭდილი არაორიგინალი ასლია საკმარისი, სამწუხაროდ ჩემთვის უცნობია.
ბ) მესაზღვრე ფინანსური მხარის გარკვევის შემდეგ სავარაუდოდ მოინდომებს გაიგოს თუ სად აპირებთ დარჩენას. ამისათვის საჭიროა თან გქონდეთ ან უკვე დაჯავშნილი სასტუმროს ჯავშანი/სასტუმროების ჯაბშნები - თუკი თქვენ სხვადასხვა ქალაქში აპირებთ ყოფნას ანდა მომწვევი პირის მოწვევის წერილი, რომელის შესახებაც ზედა, ა-პუნქტში დავწერე. ამასთან სასტუმროს ჯავშანი/სასტუმროების ჯავშნები დღეების მიხედვით უნდა იყოს უწყვეტი და მოიცავდეს თქვენი სამიზნე ქვეყანაში ყოფნის სრულ პერიოდს.
გ) მესაზღვრე სავარაუდოდ გკითხავთ უკან დასაბრუნებელი ბილეთის შესახებ. დიდი უპირატესობაა თქვენთვის და უფრო მეტი შანსი გაქვთ, რომ საზღვარზე გაგატარონ, თუკი თქვენ მესაზევრეს უკან დასაბრუნებელ ბილეთს ანახებთ.

3) სამოგზაურო დაზღვევა:
ოფიციალური წყაროები (გერმანიის იმ ქვეყნის საელჩოს საიტები, რონელთანაც გერმანიას უვიზო მიმოსვლა აქვს) იუწყებიან, რომ დაზღვევის არსებობა არაა აუცილებელი საზღვრის გადაკვეთისთვის, თუმცა კატეგორიულად გვაფრთხილებენ, რომ ავადმყოფობის შემთხვევაში, ძალიან დიდი თანხების გადახდა შეიძლება მოგვიწიოს თუ არ ვიქნებით დაზღვეული, ამიტომ დიდი რჩევა იქნება, აუცილებლად დაეზღვიოთ სამოგზაურო დაზღვევით, რონელიც 30.000 ევრომდე ანაზღაურებს არა მესაზღვრისთვის, არამედ თქვენივე კეთილდღეობისთვის, რადგან არავიბ იცის უცებ რა ხსება (მაგალითად კიდურის მოტეხვის შემთხვევაში თქვენი სამედიცინო მომსახურების თანხები შეიძლება 2-3 ათას ევროს ასცდეს).

C) პირობები, რონელიც არაა საჭირო შენგენის ზონაში შესვლისთვის: ვინაიდან თქვენ არ მიემგზავრებით არც სამუშაოდ და არც სასწავლებლად, შესაბამისად არ გჭირდებათ სამიზნე ქვეყნის ენის ცოდნის დამტკიცება. დიდი უპირატესობაა რათქმაუნდა თუ ფლობთ ამ ენას, ან ინგლისურ ენას მაინც, რაც მაგალითად სამიზნე ქვეყანაში მოგზაურობას ძალიან გაგიადვილებთ.

----------------

ასევე აუცილებლად გაეცანით თბილისში არსებული გერმანიის საელჩოს მიერ უვიზო მიმოსვლის შესახებ ქართულ ენაზე გამოქვეყნებულ ინფორმაციას კითხვა-პასუხის რეჟიმში (ეგრეთ წოდებული ხშირად დასმული კითხვები (FAQ)) შემდეგ ლინკზე: http://tiflis.diplo.de/contentblob/4998946/Daten/7365187/FAQVisumfreiheitKA.pdf ამ ლინკზე მოცემული ინფორმაცია მიუხედავად იმისა, რომ გერმანიის საელჩოს მიერაა გამოქვეყნებული, უნივერსალურია, ანუ ნებისმიერი შენგენის ქვეყნის საზღვრის გადაკვეთისთვის გამოადგება ადამიანს.

უფრო მეტ და კონკრეტულ ინფორმაციას უვიზო მიმოსვლის პირობებზე იძლევა მაგალითად გერმანიის საელჩო პერუში. შეგახსენებთ, პერუს, ისევე როგორც საქართველოს მოსახლეობას შენგენის ზონაში უვიზოდ მიმოსვლა შეუძლია. რა დამატებით დეტალურ ინფორმაციას იძლევა პერუში არსებული გერმანიის საელჩო? წყარო: http://m.lima.diplo.de/Vertretung/lima/de/11/Visa.html (მხოლოდ იმ დეტალებს გავახმოვანებ, რომლებიც თბილისის საელჩოში არაა მინიშნებული):

პერუში არსებული გერმანიის საელჩო ამბობს:

პირდაპირ წერია, რომ უკან დასაბრუნებელი ბილეთი (უკანა ფრენის თარიღი 90 დღიან პერიოდს არ უნდა აღემატებოდეს) უნდა იყოს უკვე ნაყიდი და უნდა შეგეძლოს ამ ბილეთის მესაზღვრესთვის წარდგენა.

თუ ვინმე (ნათესავი, მეგობარი...) პირადად მიგიწვევთ და თავის სახლში გაცხოვრებთ, მაშინ მათგან მოწვევის წერილი გჭირდებათ. გერმანიისთვის საჭიროა არაფორმალური მოწვევის წერილი, მომწვევის ხელმოწერით. წერილი უნდა შეიცავდეს მომწვევის მისამართს, თუ რა კავშირშია მომწვევი მოწვეულ პირთან (ნათესავი ან მეგობარი ან ოჯახის წევრი), ასევე თუ რა პერიოდი დარჩება მოწვეული პირი გერმანიაში მცხოვრებ მიმწვევ პირთან. ამასთან, არაა საჭირო ეს მოწვევის წერილი იყოს ორიგინალი, ასევე არაა საჩირო ეს წერილი იუოს ნოტარიულად ან აპოსტილით დამოწმებული. - იუწყება გერმანიის საელჩო პერუში. იქვე იუწყება, რომ დღეში გერმანიაში 45 ევროა საჭირო, თუმცა არ აკონკრეტებს სასტუმროს ჩათვლით თუ მის გარეშე, მაგრამ ვინაიდან პრაქტიკულად 45 ევროში დღიურ სასტუმროს და სხვა ხარჯებს ვერ ჩაატევ, დიდი ალბათობით იგულისხმება სასტუმროს თანხის გარდა 45 ევრო. (აქვე პატარა პირად შენიშვნას გავაკეთებ: არსებობს ეგრეთ წოდებული ჰოსტელები ახალგაზრდებისთვის (და არა მარტო), სადაც დღეში სულ რაღაც 10-15 ევროშიც კი ჩაეტევით - ამის შესახებ დავწერ ცალკე, სხვა პოსტში.)



ეს იყო ამ დროისთვის ჩემ ხელთ არსებული ყველა ინფო, რონწლიც საზღვრის გადაკვეთას და ამ დროს წარმოშობილ პრობლემებს და დეტალებს ეხებოდა.



P.S.

როგორც წესი, მესაზღვრე პოლიციელები, რომლებიც საქართველოდან პირდაპირი რეისით ჩაფრენილ მგზავრებს ემსახურებიან, ადგილობრივი და ინგლისური ენების გარდა ასევე საუბრობენ რუსულ ენაზეც.

გადაწყვიტეთ უცხოეთში გამგზავრება? საქართველოს დღესდღეობით უამრავ ქვეყანასთან აქვს უვიზოდ მიმოსვლა ძირითადად მოკლევადიანი ვიზიტებისთვის. მათთვის, ვინც უცხოეთში დიდი ხნით დარჩენას, სწავლას, მუშაობას აპირებენ აუცილებელია საკონსულოში ვიზაზე განაცხადის შეტანა. მოცემულ ვებგვერდზე ნახავთ აქტუალუალურ ინფორმაციას თუ რომელ ქვეყანაში და რამდენი ხნით შეგიძლიათ წახვიდეთ უვიზოდ: https://en.wikipedia.org/wiki/Visa_requirements_for_Georgian_citizens
2017 წლის 28 მარტიდან საქართველოს მოქალაქეებს აღარ ჭირდებათ ვიზა შენგენის ქვეყნებში მოკლე ვადით (90 დღე) შესასვლელად.

საიტი, კონკრეტულად კი ბლოგი ვებ-მისამართით https://uvizo.blogger.de წარმოადგენს არაოფიციალურ საინფორმაციო ბლოგს ევროპაში გამგზავრების მსურველთათვის. საიტზე გამოქვეყნდება სხვადასხხვა ინგორმაცია და რჩევები, თუ როგორ ვისარგებლოთ უვიზო მიმოსვლით რომ ევროპის ქვეყნიდან უკან, საქართველოში არ გამოგვაბრუნონ. ბლოგი შედგენილია ევროპაში მცხობრები პირის მიერ, რომელიც ამა თუ იმ ოფიციალურ საიტზე აგროვებს ინფორმაციას და თქვენთვის უსასყიდლოდ ამ საიტზე ანთავსებს. ბლოგში მოცემული რჩევები დაფუძვნებული იქნება გერმანიის მაგალითზე, თუმცა რადგან შენგენის ქვეყნებს მსგავსი კანონები აქვთ, დიდი ალბათობით ყველა სხვა ქვეყანაშიც მსგავსი წესებით მოხდება საქართველოს მოქალაქეების გატარება საზღვარზე. ბლოგი პასუხს არ აგებს მასალის 100%-იან სისწორეზე. ასევე, გარანტია იმისა, რომ ამა თუ იმ ქვეყანაში შეგიშვებენ, მიუხედავად იმისა, ამ ბლოგზე განთავსებულ ყველა რჩევას გაითვალისწინებთ თუ არა, არ არსებობს. გისურვებთ წარმატრბას და კარგ დასვენებას ევროპაში.